Når du ikkje er heime ser eg etter deg
i kjøleskapet
og i kjøkkenskapet
men finn berre yoghurt og sjokolade
Eg prøver å lesa i den vakre boka
men vert forstyrra
av ei fluge som surrar i ei krå
av hjernen
Eg har så god tid når du er borte
men tida er ikkje god med meg
Ho spring kring meg og kviskrar
"Du får ikkje gjort noko
Alle planane går i vasken
Du surrar og stirar og går frå det eine
til det andre
men har gløymt kva det var"
Kan du ikkje koma heim
og kyssa det vekk
No comments:
Post a Comment